गोठमा वितण्डा मच्चाउने प्रचण्ड–नेपालरुपी दुईटा गोरु दाम्लो चुडाएर भागेका छन्ः महेश बस्नेत

२०७७ माघ ११ गते, आईतवार

रुपन्देही । नेकपाका नेता महेश बस्नेतले गोठमा वितण्डा मच्चाउने प्रचण्ड–नेपालरुपी दुईटा गोरु दाम्लो चुडाएर भागेको बताएका छन् ।
आइतबार बुटवलमा आयोजित कार्यकर्ता भेलामा उनले पुष्पकमल दाहाल ‘प्रचण्ड’लाई ‘जंगली’ समेत भनेका छन् । प्रचण्डलाई अध्यक्ष एवम् प्रधानमन्त्री केपी शर्मा ओलीले जंगलबाट घरमा ल्याएर मान्छे बनाउन खोजे पनि नसकेको भन्दै उनले भने– उहाँलाई मान्छे बनाउने धेरै प्रयास गरियो, तर सकिएन ।
माधव नेपालले नेतृत्व गरेका बेला भmण्डै सकिएको पार्टीलाई अहिलेको उचाइमा ल्याएको दावी गरे । प्रधानमन्त्री ओलीले संसद विघटन नगरी राजीनामा दिएको भए कम्युिनष्ट आन्दोलन समाप्त हुने उनको तर्क थियो ।
बस्नेतले केपी ओली कम्युनिष्ट आन्दोलनका फलाम र प्रचण्ड–नेपाल काठ भएको टिप्पणी गरे । वैशाख १७ र २७ गते हुने चुनावमा प्रचण्ड–नेपाल समूह पत्तासाप हुने उनले बताए ।

135 Views

2021 Copyrights Reserved at buddhabatikaonlin.com

Designed & Developed By Web House Nepal