अधिकांश भू–भागमा बदली, उच्च पहाडी तथा हिमाली भेगमा हिमपातको सम्भावना

२०७८ माघ ३ गते, सोमबार

काठमाडौँ । पश्चिमी न्युन चापीय प्रणालीको सामान्य प्रभावका कारण हाल प्रदेश १, बागमती र गण्डकी प्रदेशमा बदली रहेको मौसम पूर्वानुमान महाशाखाले जनाएको छ । पश्चिम तथा मध्य तराईका केही स्थानमा हुस्सु लागेको महाशाखाको भनाइ छ । अन्य भू–भागमा भने मौसम सामान्यतया सफा रहेको महाशाखाको भनाइ छ ।

आज दिउँसो सुदूरपश्चिम, कर्णाली, लुम्बिनी, गण्डकी र बागमती प्रदेशमा आंशिकदेखि सामान्य बदली रहने महाशाखाको भनाइ छ । बाँकी प्रदेशमा मौसम सामान्यतया सफा रहने छ । सुदूरपश्चिम र कर्णाली प्रदेशका उच्च पहाडी तथा हिमाली भूभागका एक दुई स्थानमा हल्का हिमापातको सम्भावना रहेको महाशाखाको भनाइ छ ।

यस्तै, राति पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली रहने महाशाखाको भनाइ छ । उच्च पहाडी तथा हिमाली भू–भागका थोरै स्थानहरूमा हल्का हिमपातको सम्भावना रहेको महाशाखाले जनाएको छ ।

259 Views

2021 Copyrights Reserved at buddhabatikaonlin.com

Designed & Developed By Web House Nepal