एमालेले बहुमत जित्ने भएपछि कानुनको छिद्र खोज्दै स्थानीय तह निर्वाचन धकेल्ने

२०७८ माघ ९ गते, आईतवार

काठमाडौं । संविधानअनुसार आगामी वैशाखमा स्थानीय तहको निर्वाचन गर्ने विषयमा सत्ता गठबन्धनमा अन्योल देखिएको छ । स्थानीय तहको निर्वाचन गर्न संविधान र निर्वाचनसम्बन्धी कानुन बाझिएकाले सत्ता गठबन्धनले कानुनविद्सँग परामर्श गरेर मात्र थप निर्णय लिने तयारी गरेको छ ।

सोहीअनुसार सत्ता गठबन्धनले आज प्रधानमन्त्री निवास बालुवाटारमा कानुनविद्हरूसँग छलफल गर्ने कार्यक्रम तय गरेको छ । छलफलपछि सत्ता गठबन्धन एउटा टुंगोमा पुग्ने र त्यसपछि प्रधानमन्त्री शेरबहादुर देउवाले सर्वदलीय बैठक बोलाउने तयारी रहेको छ ।

स्थानीय तहको निर्वाचनको विषयलाई लिएर सत्ता गठबन्धनभित्र छुट्टाछुट्टै छलफलसमेत तीव्र बनेको छ । शनिबार बसेको माओवादी स्थायी समितिको बैठकले तीनै तहको निर्वाचन एकैपटक आगामी मंसिरमा गर्नुपर्ने निष्कर्ष निकालेको छ ।

एमाले स्थानीय स्तरमा बलियो रहेकाले बैशाखामा स्थानीय निर्वाचन हुँदा एमालेले जित्ने भएपछि सत्ता गठबन्धन निर्वाचन सार्ने तयारीमा जुटेको हो ।

211 Views

2021 Copyrights Reserved at buddhabatikaonlin.com

Designed & Developed By Web House Nepal