स्वास्थ्यमन्त्री खतिवडालाई कारबाहीको माग गर्दै अख्तियार पुग्यो युवा संघ

२०७८ माघ १८ गते, मंगलवार

काठमाडौं । नेकपा एमालेको भातृ संगठन युवा संघ नेपालले स्वास्थ्य तथा जनसंख्यामन्त्री विरोध खतिवडालाई कारबाहीको माग गर्दै अख्तियार पुगेको छ ।

खतिवडा मन्त्री नियुक्त भएपछि २४ लाख डोज खोप हिनामिना गरी राज्यको २ अर्ब ४० करोड रुपैयाँ भ्रष्टाचार गरेको आरोपसहित मुद्दा दायर गर्न अख्तियार पुगेको हो ।

खोप हिनामिना कार्यमा संलग्न मन्त्री खतिवडा र अन्य व्यक्तिमाथि छानबिन गरी भ्रष्टाचार निवारण ऐनअनुसार कारबाही गर्न माग गरिएको छ ।

तत्कालिन केपी ओलीको सरकारले सबै नागरिकलाई निः शुल्क खोप अभियान सुरु गरेपनि अहिलेको सरकारले नागरिकलाई पर्याप्त खोप लगाउनुपर्नेमा उल्टै राज्यकोषबाट खर्च गरी खरिद गरिएको र कोभ्याक्स सुविधा मार्फत मुलुकमा आएको खोपको चरम दुरुपयोग भएको संघले जनाएको छ ।

141 Views

2021 Copyrights Reserved at buddhabatikaonlin.com

Designed & Developed By Web House Nepal