मगमग चाउचाउ उद्योगमा लागेको आगो ८ घण्टासम्म नियन्त्रणमा आउन सकेन

२०७८ माघ २९ गते, शनिबार

झापा । मेचीनगर नगरपालिका-१४ दुवागढीस्थित मनषा थाइफुड्स (मगमग चाउचाउ उद्योग) मा लागेको आगो ८ घण्टा बितिसक्दा पनि नियन्त्रणमा आउन सकेको छैन।

चाउचाउ उद्योगमा शनिबार बिहान साढे ४ बजे लागेको आगो दिउँसो ३ बजेसम्म पनि नियन्त्रणमा नआएको प्रहरी कार्यालय झापाका डिएसपी वसन्त पाठकले जानकारी दिए।

आगलागीको कारण अझै खुल्न नसकेको र क्षतिको विवरण आई नसकेको उनले बताए। आगो निभाउन झापासहित छिमेकी जिल्ला गरी १५ वटा दमकल आएको उनको भनाइ छ।

आगलागीबाट उद्योगमा रहेका कच्चा पदार्थ, तयारी चाउचाउ, मेसिनरी औजार र भवन पूर्ण रुपमा क्षतिग्रस्त भएको छ। नेपाली सेना, सशस्त्र प्रहरी, नेपाल प्रहरी, दमकल कर्मचारी, सर्वसाधारण लगायतले आगो निभाउन सहयोग गरिरहेका छन्,डिएसपी पाठकले भने, दनदनी बलेको आगो नियन्त्रणमा आए पनि पूर्ण रुपमा नियन्त्रणमा आउन अझै केही घण्टा लाग्नेछ।

एक अर्बको लगानीमा २०७५ असोजमा उद्योगको स्थापना भएको थियो। उद्योगमा स्व. परशुराम अग्रवाल, ओमप्रकाश अग्रवाल, बुद्धि घिमिरे, गणेश प्याकुरेल र अजय अग्रवालले संयुक्त लगानी गरेका छन्। उद्योगका प्रबन्ध निर्देशक बुद्धि घिमिरेले कुनै पनि सामान जोगाउन नसकिएको बताए।

166 Views

भुकम्प पीडितको उपचार र पुर्ननिर्माणमा खटिदै एमाले कपिलवस्तु

जाजरकोट भूकम्प : चिसोले कठ्यांग्रिएर एक बलिकाको मृत्यु

लागु औषधसहित बाणगंगाबाट २ जना पक्राउ

एक हजार किसान आफैं नहर सफा गर्न जुटे

१४ औँ कपिलवस्तु महोत्सवमा रेस्लिङ प्रतियोगिता हुने

बाणगंगाको बुङ्चीमा बसको ठक्करबाट १ किशोरीको मृत्यु, १ जना घाइते

अरिङ्गालले टोकेर एक जनाको मृत्यु

बसको ठक्करबाट ६ वर्षीय बालकको मृत्यु

चित्ररम्भा आधारभूत विद्यालयमा ‘गोमा गौतम स्मृति अक्षय कोष’ स्थापना

कोहलपुरमा ट्रकले ठक्कर दिँदा युवकको मृत्यु