ओलीले भने, ‘चार न्यायाधीशले एमालेलाई पछार्ने दुस्साहस गरे’

२०७८ फाल्गुन ११ गते, बुधबार

काठमाडौं । नेकपा (एमाले) का अध्यक्ष केपी शर्मा ओलीले आफ्नो पार्टी कसैले हराउनै नसकिने योद्धा भएको बताएका छन् । आफ्नो जन्मदिनबारे आयोजित कार्यक्रमलाई सम्बोधन गर्दै ओलीले आफूहरूले केही जमिन छोड्दा सर्वोच्चका चार न्यायाधीश प्रयोग गरेर पछार्न खोजिएको आरोप लगाए ।

‘एउटा योद्धा यस्तो छ, जसलाई हराउनै सकिदैन,’ ओलीले भने, ‘एउटै शर्तमा मात्रै ऊ हट्छ, उसलाई जमिनबाट छुटायो भने यो निर्भर भइहाल्छ । जमिन छुन पायो कि ऊ बलियो हुन्छ । अलिकति जमिनबाट छुटायो भने त सर्वोच्च अदालतमा लगेर चार न्यायाधीशले पनि पछार्दा रहेछन् एमाले जस्तो पार्टीलाई ।’

ओलीले थपे, ‘तर, उचालेको उचाल्यै कहाँ हुन्छ र ? हामी जमिन त छोइ हाल्छौं । खुट्टा टेकिहाल्छौं र जनतासँग एकाकार भइहाल्छौं ।’ ओलीले संसद विघटन बदर हुनुलाई एउटा मात्रै मोर्चा हारेको रूपमा व्याख्या गरे । ‘हामीले समग्र युद्ध हारेका होइनौं, एउटा मोर्चा हारेका हौं,’उनले भने ।

249 Views

2021 Copyrights Reserved at buddhabatikaonlin.com

Designed & Developed By Web House Nepal