सुमन पौडेल, कपिलवस्तु । नेकपा एमाले कपिलवस्तुका युवा नेता कुनाल प्रताप शाहले नेपाली कांग्रेस लाई भ्रष्ट पार्टी भएको बताउनु भएको छ । नेकपा एमाले कपिलवस्तुको आयोजनामा तौलिहवामा सम्पन्न बृहत जनसभा तथा पार्टी प्रवेश कार्यक्रम लाई सम्बोधन गर्दै उहाले नेकपा एमाले जनताको पार्टी रहेको बताउनु भएको छ । कृष्णनगर नगरपालिकाका कांग्रेस हस्ती शाह एमाले प्रवेश गर्दै नेता शाहले आफ्नो हजुरबुबा डाक्टर रुद्र प्रताप शाहले ८८ बर्षको उमेरमा भ्रष्ट पार्टी परित्याग गरि एमाले प्रवेश गरेको बताउदै अब कपिलवस्तु एमालेमय हुनेमा आफू ढुक्क रहेको बताउनु भयो ।

कपिलवस्तुका चर्चित नेता कुनाल प्रताप शाह, पूर्वमन्त्री तथा सांसद बृजेशकुमार गुप्तासहित विभिन्न पार्टी परित्याग गरी नेकपा एमाले मा समाहित हुनुहुने हजारौंलाई हिजो कपिलवस्तुको सदरमुकाम तौलिहवामा आयोजित कार्यक्रममा अध्यक्ष केपी शर्मा ओलीले स्वागत गर्नुभएको छ ।

कार्यक्रममा बोल्दै चर्चित नेता कुनाल प्रताप शाहले अब कपिलवस्तुमा नेपाली कांग्रेसको पत्तासाप हुने दाबि समेत गर्नु भएको छ । अबको स्थानिय चुनावमा एमालेको मुख्य एजेण्डा भनेको ‘घर घरमा जाऔ कांग्रेस भगाऔ’ भन्ने नारा सहित अघि बढ्ने दाबि गर्नु भएको छ । आफु सहित हजारौं कार्यकर्ता एमालेमा प्रवेश गराउनु भएका शाहले अब कपिलवस्तुमा नेकपा ९एमाले० पार्टीले बाहेक अन्य पार्टीले यस क्षेत्रमा जित्न नसक्ने बताउनु भएको छ । हरेक वडा देखि माथिल्लो तहमा सम्म अब एमालेको हाबि हुने पुष्टि गर्नु भएको छ । यति मात्रै नभएर यस पार्टी प्रेवशले नै अब कपिलवस्तु एमालेको लाल किल्ला भएको पुष्टि गर्नु भएको छ ।

कार्यक्रममा प्रदेश सांसद धर्मबहादुर श्रीवास्तव, कपिलवस्तु नगपालिका वडा नम्बर १ का वडाअध्यक्ष सुदिप पौडेल वडा नम्बर ४ का वडाअध्यक्ष रविन्द्र त्रिपाठी, वडा नम्बर १२ का वडाअध्यक्ष ओमप्रकाश पाण्डेय बुद्धभूमि नगरपालिका वडा नम्बर ६ का वडा अध्यक्ष नन्दलाल यादव पनि एमाले प्रवेश गर्नुभएको छ ।

यस्तै सोही पालिकाका, यशोधरा गाउँपालिका वडा नम्बर ८ का वडाअध्यक्ष शहबुद्धिन मुसलमान, कपिलवस्तु नगरपालिकाका पूर्वमेयर रामदास गुप्ता, पूर्व उपमेयर वासुदेव कसौधन, कृष्नगरका युवा नेता कुनालप्रताप शाहसहित १० हजार भन्दा बढी नेता–कार्यकर्ता एमालेमा प्रवेश गर्नुभएको छ । पार्टी प्रवेशसँगै कपिलबस्तु एमालेको किल्ला बनेको छ ।

नव प्रवेसिहरुलाई नेकपा एमालेका अध्यक्ष एवम् पूर्व प्रधानमन्त्रि केपि शर्मा ओलीले स्वागत गर्नु भएको छ । जनसभा मार्फत प्रतिनिधी सभाका सांसद, प्रदेश सभा सांसद, वडा अध्यक्ष लगायतका नेता, कार्यकर्ता ठुलो संख्यामा पार्टी प्रवेश गरेकोे एमाले कपिलवस्तुले जनाएको छ ।