‘मेरो देशै एमाले, म त यसै एमाले’ गीत सार्बजनिक (भिडियो सहित)

२०७९ बैशाख ५ गते, सोमबार

काठमाडौं । पाँच वर्षअघिको स्थानीय चुनावमा बद्री पंगेनी र प्रिया भण्डारीको स्वरमा बहुचर्चित बनेको ‘सैं पनि एमाले मै पनि एमाले’ बोलको चुनावी गीत जस्तै यसपटक पनि चर्चित कलाकारको स्वरमा एमालेको नयाँ चुनावी गीत सार्वजनिक भएको छ ।

‘मेरो देशै एमाले, म त यसै एमाले’ बोलको गीतमा बद्री पंगेनी, रामजी खाँण, कुलेन्द्र विश्वकर्मा,पूर्णकला बिसी, सुनिता बुढा लगायतले स्वर दिएका छन् ।

चर्चित गायक खाँण नेपाली कांग्रेस निकट मानिन्छन् । त्यस्तै कुलेन्द्र विश्वकर्माको ‘सालको पात टपरी हुनी, हे बरै नहुने सल्लैको’ बोलको गीत सर्वाधिक लोकप्रिय बनेको थियो ।

यसपटक लोकप्रिय कलाकारहरु समेटर चुनावी गीत ल्याएको हो । डिम प्रसाद पौडेल, राजेन्द्र सापकोटा लगायत निर्माता रहेको सो गीतमा चर्चित मोडलहरुले अभिनय गरेका छन् ।

गीत सैं पनि एमाले जत्तिकै लोकप्रिय हुने दावी उनीहरुको छ । सैं पनि एमाले बोलको गीतले ४२ लाख बढी भ्युज कलेक्सन गरेर त्यो बेला युट्युब ट्रेण्डिङमा थियो । ‘मेरो देशै एमाले, म त यसै एमाले’ बोलको गीत युट्युबमा अपलोड भएको एक घण्टामै ५ हजार बढी भ्युज कटेको छ । यो गीत पनि पहिलेको जस्तै लोकप्रिय हुने कलाकारहरुले विश्वास लिएका छन् ।

सुजन लम्सालको शब्द र परिकल्पनामा आएको सो गीतमा राजु गुरुङ,गंगा पुन,भिमु गुरुङ,लक्ष्मी खड्का,माया पर्दे,डोलराज मगर,प्रसाद लामिछाने लगायतको स्वर पनि समावेश छ ।

गित लाई करोड क्लबको शुभकामना दिदै हेरौ सोहि गित

652 Views

2021 Copyrights Reserved at buddhabatikaonlin.com

Designed & Developed By Web House Nepal