कुवेतमा एक नेपाली अचेत अवस्थामा उपचाररत

२०८० जेष्ठ १० गते, बुधबार

दोहा । रोजगारीका लागि कुवेत पुगेका एक नेपाली अचेत अवस्थामा अस्पतालमा फेला परेका छन्। गैरआवासीय नेपाली संघ (एनआरएनए) कुवेतका अनुसार नवलपरासी सुस्ता पूर्व देवचुली–२ का ३८ वर्षीय ओमप्रकाश चौधरीको त्यहाँको फर्वानिया अस्पतालमा अचेत अवस्थामा उपचार भइरहेको छ।

कुवेतको अल आहमदिया जेनेरल ट्रेडिङ एन्ड कन्ट्राक्टिङ कम्पनीमा हेभी ड्राइभरको रुपमा कार्यरत चौधरी विगत ८ महिना अघि मात्र कुवेत पुगेका थिए। उच्च रक्तचापको कारण उनको हार्ट स्ट्रोक भएको र गत मे ११ तारिखका दिन हस्पिटल पुगेको एनआरएनएले जनाएको छ। अहिले उनलाई भेन्टिलेटरद्वारा श्वास प्रश्वास गराइरहेको बताइएको छ।

डाक्टरका अनुसार उनको अवस्था गम्भीर रहेको छ। हाल उनको फर्वानिया अस्पतालको वार्ड २८ मा उपचार भइरहेको संघले जनाएको छ। सोमबार एनआरएनए कुवेतका अध्यक्ष रनध्वोज लामाको टोली उनको अवस्था बुझ्न अस्पताल पुगेको र अध्यक्ष लामाले उनको अवस्थाबारे त्यहाँस्थित नेपाली दूतावासलाई पनि जानकारी गराएको संघले जनाएको छ ।

29 Views

2021 Copyrights Reserved at buddhabatikaonlin.com

Designed & Developed By Web House Nepal