फेवातालमा डुबेर एक जनाको मृत्यु

२०८० जेष्ठ १४ गते, आईतवार

पोखरा । पोखराको फेवातालमा डुबेर एक जनाको मृत्यु भएको छ ।

वडा प्रहरी कार्यालय बैदामका अनुसार कास्कीको पोखरा महानगरपालिका वडा नम्बर २३ खपौदी स्थित फेवातालमा माछा मार्ने क्रममा ६३ वर्षीय मिन गुरूङको मृत्यु भएको हो ।

कास्कीको अन्नपूर्ण गाउँपालिका १० घान्द्रुक घर भएका गुरूङ पोखरा महानगरपालिका वडा नम्बर १४ चाउथे बस्ने गर्दथे । शनिबार अपराह्न करिब ४ बजेतिर फेवातालमा माछा मार्न गएका उनी डुबेर बेपत्ता भएका थिए । बेपत्ताको खबर पाउनासाथ वडा प्रहरी कार्यालय बैदामबाट प्रहरी निरीक्षकको कमाण्डमा रेस्क्यु टोली र सशस्त्र प्रहरी बलको टोली खोजतलासमा खटिएको थियो । उद्धार टोलीले शनिबार बेलुकी सवा ७ बजेतिर गुरूङलाई मृत अवस्थामा फेला पारेको थियो ।

उनको शव पोष्टमार्टमका लागि अस्पताल पठाएको र घटना सम्बन्धमा थप अनुसन्धान भइरहेको कास्की प्रहरीले जनाएको छ ।

30 Views

2021 Copyrights Reserved at buddhabatikaonlin.com

Designed & Developed By Web House Nepal