नेपाल खेलकुद महासंघ कपिलबस्तुमा युवा संघका निवर्तमान अध्यक्षको नेतृत्व

२०८१ श्रावण २८ गते, सोमबार

कपिलवस्तु । नेपाल खेलकुद महासंघ कपिलवस्तुको अध्यक्षमा राष्ट्रिय युवा संघ कपिलवस्तुका निवर्तमान जिल्ला अध्यक्ष कमल क्षेत्री निर्वाचित भएका छन् । आईतबार तौलिहवामा भएको दोस्रो जिल्ला अधिवेशनबाट क्षेत्री अध्यक्षमा सर्वसम्मत निर्वाचित भएका हुन् ।

यस्तै उपाध्यक्षमा शालिकराम शर्मा न्यौपाने, सबिना आचार्य, सचिवमा मनु रसाईली, सहसचिवमा मोहन चौधरी, कोषाध्यक्षमा शंकर कार्की सर्वसम्मत रुपमा निर्वाचित भएका छन् भने सदस्यहरुमा आशिष गहतराज, राजेशकुमार चौधरी, पुष्पराज अर्याल, सद्दाम हुसेन, तारा थापा र वेगबहादुर थापा चयन भएका छन् ।

अध्यक्ष क्षेत्रीले आफुलाई योग्य ठानेर जिम्मेवारी दिएकोमा खुशी व्यक्त गर्दै प्राप्त जिम्मेवारीलाई कुशलतापूर्वक निर्वाह गर्ने बताए । उनले युवाहरुलाई खेलकुद क्षेत्रमा आवद्ध गर्दै सबै खेलाडीलाई गोलबद्ध गर्ने प्रतिवद्धता जनाए ।

उनले सबैलाई मिलाएर नेपाल खेलकुद महासंघ कपिलवस्तुलाई सुदृढ बनाउने प्रतिवद्धता जनाएका छन् ।

11 Views

2021 Copyrights Reserved at buddhabatikaonlin.com

Designed & Developed By Web House Nepal