माल्दिभ्समा नेपाल पुलिस क्लबको शानदार प्रदर्शन, लगातार तेस्रो जीत निकाल्न सफल

२०८१ आश्विन १ गते, मंगलवार

काठमाडौं । नेपाल पुलिस क्लबले माल्दिभ्समा जारी काभा महिला भलिबल क्लब च्याम्पियनसिपमा तेस्रो खेल आज जित निकालेको छ ।

पुलिसले तेस्रो खेलमा मंगलवार ताजकिस्तानको डाइमेड भलिबल क्लबलाई पराजित गरेको हो । माल्दिभ्सको मालेमा भएको खेलमा डाइमेडमाथि पुलिसले ३–० को सोझो सेटमा जित निकालेको हो । पुलिसले पहिलो सेट २५–१५, दोस्रो सेट २५–१२ र तेस्रो सेट २५–१५ ले सहज जितेको छ ।

पुलिसले पहिलो खेलमा उज्वेकिस्तानको हुमो क्लब र दोस्रो खेलमा श्रीलंकाको श्रीलंकन एयर फोर्सलाई समान ३–० को सेटमा नै पराजित गरेको थियो । पुलिसले ९ अंक जोडेको छ ।

नेपालको लिगको विजेताका रुपमा पुलिसले क्लब च्याम्पियनसिपमा भाग लिएको हो । लिगको पुलिसले बिहीवार माल्दिभ्सको क्लब तथा शुक्रबार समूह चरणको अन्तिम खेल खेल्नेछ ।

7 Views

2021 Copyrights Reserved at buddhabatikaonlin.com

Designed & Developed By Web House Nepal