राष्ट्रिय राजनीतिमा तरंग ल्याउने हामी नै हौँ: माधव नेपाल

२०७८ माघ १२ गते, बुधबार

काठमाडौं । सत्तासाझेदार नेकपा (एकीकृत समजवादी)का अध्यक्ष माधवकुमार नेपालले आफ्नो पार्टीले राष्ट्रिय राजनीतिमा तरंग पैदा गरिरहेको बताएका छन्। अहिले आफ्नो पार्टी ५ दलीय गठबन्धनमा रहेको र ५ दलीय गठबन्धनका सबै दलहरू मिलेर राष्ट्रियसभाको चुनावमा १९ जना उम्मेदवार खडा गरेको उनको भनाइ छ।

बुधबार पार्टी कार्यालय शान्तिनगरमा विभिन्न पार्टीबाट आएका कार्यकर्तालाई पार्टी प्रवेश गराउँदै अध्यक्ष नेपालले स्थानीय तह, प्रदेशसभा र प्रतिनिधिसभाको निर्वाचन संविधानलाई सर्वोपरि राखेर सम्पन्न गर्नुपर्ने बताए। उनले स्थानीय तहको चुनाव संविधान र कानुनअनुरुप नै हुनुपर्नेमा जोड दिए।

उनले सत्तारुढ दलहरुबीच एकैपटक तीनवटा तहको निर्वाचन गराउन सके खर्च कम लाग्ने भएकोले विज्ञहरुसँग विस्तृत छलफल गरिरहेको बताए। अध्यक्ष नेपालले आज भइरहेको राष्ट्रियसभाको निर्वाचनमा १९ सिट नै सत्तारूढ गठबन्धनहरूले जित्ने दाबीसमेत गरे।

307 Views

2021 Copyrights Reserved at buddhabatikaonlin.com

Designed & Developed By Web House Nepal