सुनसरीका चारवटै निर्वाचन क्षेत्रमा एमालेले जित्छ: जयकुमार राई
![](https://buddhabatikaonline.com/wp-content/uploads/2022/02/jaykumar-rai-670x394-1.jpg)
धरान । सुनसरीका चारवटै प्रतिनिधिसभा निर्वाचन क्षेत्रमा नेकपा एमाले विजयी हुने प्रदेश सदस्य जयकुमार राइले बताएका छन । सुनसरी १ का प्रतिनिधिसभा सदस्य समेत रहेका राइले एमालेमा जनलहर देखिएकाले एमाले स्थानीयतह देखिनै पहिलो पार्टी हुने बताए ।
नवप्रवेशी कार्यकर्तालाई सम्बोधन गर्दै उनले एमाले मात्र अबको सच्चा कम्युनिस्ट पार्टी भएको बताए । एमालेले मात्र भाषा, धर्म र जातजातिको रक्षा गर्ने भएकाले जनताको साथ रहेको स्पष्ट पारे ।
संविधान निर्माण देखि बिकासको गोरेटो कोर्ने काममा एमालेले नेतृत्व गरेको राइको दाबी छ । आफ्नो गाउँ आफै बनऔं देखि वृद्ध भत्ताको बारेमा एमालेले गरेको निर्णय अहिलेसम्म लोकप्रिय रहेको उनको भनाइ छ । गाउँगाउँमा सहकारी घरघरमा भकारी भन्ने कार्यक्रम एमालेले ल्याएको कारण एमाले ठुलो दल भएको बताए ।