सुमन पौडेल, कपिलबस्तु । कपिलवस्तुका चर्चित नेता कुनाल प्रताप शाह, पूर्वमन्त्री तथा सांसद बृजेशकुमार गुप्तासहित विभिन्न पार्टी परित्याग गरी नेकपा एमाले मा समाहित हुनुहुने हजारौंलाई आज कपिलवस्तुको सदरमुकाम तौलिहवामा आयोजित कार्यक्रममा अध्यक्ष केपी शर्मा ओलीले स्वागत गर्नुभएको छ ।

कार्यक्रममा प्रदेश सांसद धर्मबहादुर श्रीवास्तव, कपिलवस्तु नगपालिका वडा नम्बर १ का वडाअध्यक्ष सुदिप पौडेल वडा नम्बर ४ का वडाअध्यक्ष रविन्द्र त्रिपाठी, वडा नम्बर १२ का वडाअध्यक्ष ओमप्रकाश पाण्डेय बुद्धभूमि नगरपालिका वडा नम्बर ६ का वडा अध्यक्ष नन्दलाल यादव पनि एमाले प्रवेश गर्नुभएको छ ।

यस्तै सोही पालिकाका, यशोधरा गाउँपालिका वडा नम्बर ८ का वडाअध्यक्ष शहबुद्धिन मुसलमान, कपिलवस्तु नगरपालिकाका पूर्वमेयर रामदास गुप्ता, पूर्व उपमेयर वासुदेव कसौधन, कृष्नगरका युवा नेता कुनालप्रताप शाहसहित १० हजार भन्दा बढी नेता–कार्यकर्ता एमालेमा प्रवेश गर्नुभएको छ । आजको प्रवेशसँगै कपिलबस्तु एमालेको किल्ला बनेको छ ।

नव प्रवेसिहरुलाई नेकपा एमालेका अध्यक्ष एवम् पूर्व प्रधानमन्त्रि केपि शर्मा ओलीले स्वागत गर्नु भएको छ । जनसभा मार्फत प्रतिनिधी सभाका सांसद, प्रदेश सभा सांसद, वडा अध्यक्ष लगायतका नेता, कार्यकर्ता ठुलो संख्यामा पार्टी प्रवेश गरेकोे एमाले कपिलवस्तुले जनाएको छ ।

एमाले अध्यक्ष ओली कपिलवस्तुमा (फोटो फिचर)